barbaad-e-tamanna pe itab aur ziyaada

barbād-e-tamannā pe itaab aur ziyāda

haañ merī mohabbat kā javāb aur ziyāda

ro.eñ na abhī ahl-e-nazar haal pe mere

honā hai abhī mujh ko ḳharāb aur ziyāda

āvāra o majnūñ hī pe mauqūf nahīñ kuchh

milne haiñ abhī mujh ko ḳhitāb aur ziyāda

uTTheñge abhī aur bhī tūfāñ mire dil se

dekhūñgā abhī ishq ke ḳhvāb aur ziyāda

Tapkegā lahū aur mire dīda-e-tar se

dhaḌkegā dil-e-ḳhāna-ḳharāb aur ziyāda

hogī mirī bātoñ se unheñ aur bhī hairat

aa.egā unheñ mujh se hijāb aur ziyāda

use mutrib-e-bebāk koī aur bhī naġhma

ai sāqi-e-fayyāz sharāb aur ziyāda

barbaad-e-tamanna pe itab aur ziyaada

han meri mohabbat ka jawab aur ziyaada

roen na abhi ahl-e-nazar haal pe mere

hona hai abhi mujh ko KHarab aur ziyaada

aawara o majnun hi pe mauquf nahin kuchh

milne hain abhi mujh ko KHitab aur ziyaada

uTThenge abhi aur bhi tufan mere dil se

dekhunga abhi ishq ke KHwab aur ziyaada

Tapkega lahu aur mere dida-e-tar se

dhaDkega dil-e-KHana-KHarab aur ziyaada

hogi meri baaton se unhen aur bhi hairat

aaega unhen mujh se hijab aur ziyaada

use mutrib-e-bebak koi aur bhi naghma

ai saqi-e-fayyaz sharab aur ziyaada