bahut si aanhken lagin hain aur ek KHwab tayyar ho raha hai
![Farhat Ehsas Farhat Ehsas](https://rekhta.pc.cdn.bitgravity.com/Images/Shayar/round/farhat-ehsas.png)
bahut si aanhken lagin hain aur ek KHwab tayyar ho raha hai
Farhat Ehsas
MORE BYFarhat Ehsas
bahut sī āñkheñ lagīñ haiñ aur ek ḳhvāb tayyār ho rahā hai
haqīqatoñ se muqāble kā nisāb tayyār ho rahā hai
tamām duniyā ke zaḳhm apne bayāñ qalam-band kar rahe haiñ
mirī savāneh-hayāt kā ek baab tayyār ho rahā hai
bahut se chāñd aur bahut se phuul ek tajrabe meñ lage haiñ kab se
sunā hai tum ne kahīñ tumhārā javāb tayyār ho rahā hai
chaman ke phūloñ meñ ḳhuun dene kī ek tahrīk chal rahī hai
aur is lahū se ḳhizāñ kī ḳhātir ḳhizāb tayyār ho rahā hai
purānī bastī kī khiḌkiyoñ se maiñ dekhtā huuñ to sochtā huuñ
nayā jo vo shahr hai bahut hī ḳharāb tayyār ho rahā hai
khule hue haiñ fanā ke daftar meñ sab anāsir ke goshvāre
ki āsmānoñ meñ ab zamīñ kā hisāb tayyār ho rahā hai
maiñ jab kabhī us se pūchhtā huuñ ki yaar marham kahāñ hai merā
to vaqt kahtā hai muskurā kar janāb tayyār ho rahā hai
badan ko jaanā hai pahlī baar aaj ruuh kī mahfil-e-tarab meñ
to aisā lagtā hai jaise koī navāb tayyār ho rahā hai
is imtihāñ ke savāl aate nahīñ nisāboñ se maktaboñ ke
ajiib āshiq hai ye jo paḌh kar kitāb tayyār ho rahā hai
junūñ ne barpā kiyā hai sahrā meñ shahr kī ta.aziyat kā jalsa
to 'farhat-ehsās' bhī ba-chashm-e-pur-āb tayyār ho rahā hai
bahut si aankhen lagin hain aur ek KHwab tayyar ho raha hai
haqiqaton se muqable ka nisab tayyar ho raha hai
tamam duniya ke zaKHm apne bayan qalam-band kar rahe hain
meri sawaneh-hayat ka ek bab tayyar ho raha hai
bahut se chand aur bahut se phul ek tajrabe mein lage hain kab se
suna hai tum ne kahin tumhaara jawab tayyar ho raha hai
chaman ke phulon mein KHun dene ki ek tahrik chal rahi hai
aur is lahu se KHizan ki KHatir KHizab tayyar ho raha hai
purani basti ki khiDkiyon se main dekhta hun to sochta hun
naya jo wo shahr hai bahut hi KHarab tayyar ho raha hai
khule hue hain fana ke daftar mein sab anasir ke goshware
ki aasmanon mein ab zamin ka hisab tayyar ho raha hai
main jab kabhi us se puchhta hun ki yar marham kahan hai mera
to waqt kahta hai muskura kar janab tayyar ho raha hai
badan ko jaana hai pahli bar aaj ruh ki mahfil-e-tarab mein
to aisa lagta hai jaise koi nawab tayyar ho raha hai
is imtihan ke sawal aate nahin nisabon se maktabon ke
ajib aashiq hai ye jo paDh kar kitab tayyar ho raha hai
junun ne barpa kiya hai sahra mein shahr ki taziyat ka jalsa
to 'farhat-ehsas' bhi ba-chashm-e-pur-ab tayyar ho raha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.