har ek raaz se waqif meri saheli hai
har ek raaz se vāqif mirī sahelī hai
jo mere saath mire bachpane meñ khelī hai
har ek shaḳhs se jo khul ke baat kartī hai
vahī mire liye sab se baḌī pahelī hai
sabhī ke saath jo hañstī thī muskurātī thī
hujūm-e-shahr meñ vo laḌkī kyoñ akelī hai
bahut buland hai dīvār us ke rutbe kī
mire buzurgoñ kī vo āḳhrī havelī hai
mahak rahī hai fazā us ke zikr se har sū
vo mere sehn meñ khiltī huī chamelī hai
abhī maiñ DhūñDtī huuñ us ko in lakīroñ meñ
mirī nigāh ke aage mirī hathelī hai
har ek raaz se waqif meri saheli hai
jo mere sath mere bachpane mein kheli hai
har ek shaKHs se jo khul ke baat karti hai
wahi mere liye sab se baDi paheli hai
sabhi ke sath jo hansti thi muskuraati thi
hujum-e-shahr mein wo laDki kyon akeli hai
bahut buland hai diwar us ke rutbe ki
mere buzurgon ki wo aaKHri haweli hai
mahak rahi hai faza us ke zikr se har su
wo mere sehn mein khilti hui chameli hai
abhi main DhunDti hun us ko in lakiron mein
meri nigah ke aage meri hatheli hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
