baat saqi ki na Tali jaegi
baat saaqī kī na Taalī jā.egī
kar ke tauba toḌ Daalī jā.egī
vo sañvarte haiñ mujhe is kī hai fikr
aarzū kis kī nikālī jā.egī
dil liyā pahlī nazar meñ aap ne
ab adā koī na ḳhālī jā.egī
aate aate aa.egā un ko ḳhayāl
jaate jaate be-ḳhayālī jā.egī
kyā kahūñ dil toḌte haiñ kis liye
aarzū shāyad nikālī jā.egī
garmi-e-nazzāra-bāzī kā hai shauq
baaġh se nargis nikālī jā.egī
dekhte haiñ ġhaur se merī shabīh
shāyad us meñ jaan Daalī jā.egī
ai tamannā tujh ko ro luuñ shām-e-vasl
aaj tū dil se nikālī jā.egī
fasl-e-gul aa.ī junūñ uchhlā 'jalīl'
ab tabī.at kuchh sambhālī jā.egī
baat saqi ki na Tali jaegi
kar ke tauba toD Dali jaegi
wo sanwarte hain mujhe is ki hai fikr
aarzu kis ki nikali jaegi
dil liya pahli nazar mein aap ne
ab ada koi na KHali jaegi
aate aate aaega un ko KHayal
jate jate be-KHayali jaegi
kya kahun dil toDte hain kis liye
aarzu shayad nikali jaegi
garmi-e-nazzara-bazi ka hai shauq
bagh se nargis nikali jaegi
dekhte hain ghaur se meri shabih
shayad us mein jaan Dali jaegi
ai tamanna tujh ko ro lun sham-e-wasl
aaj tu dil se nikali jaegi
fasl-e-gul aai junun uchhla 'jalil'
ab tabiat kuchh sambhaali jaegi
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
