bagh mein tu kabhu jo hansta hai
baaġh meñ tū kabhū jo hañstā hai
ġhuncha-e-dil mirā bikastā hai
are be-mehr mujh ko rotā chhoḌ
kahāñ jaatā hai meñh barastā hai
tere māroñ huoñ kī sūrat dekh
merā marne ko jī tarastā hai
terī tarvār se koī na bachā
ab kamar kis upar tū kastā hai
kyuuñ mozāhim hai mere aane se
kui tirā ghar nahīñ ye rastā hai
merī fariyād koī nahīñ suntā
koī is shahr meñ bhī bastā hai
'hātim' us zulf kī taraf mat dekh
jaan kar kyuuñ balā meñ phañstā hai
bagh mein tu kabhu jo hansta hai
ghuncha-e-dil mera bikasta hai
are be-mehr mujh ko rota chhoD
kahan jata hai meinh barasta hai
tere maron huon ki surat dekh
mera marne ko ji tarasta hai
teri tarwar se koi na bacha
ab kamar kis upar tu kasta hai
kyun mozahim hai mere aane se
kui tera ghar nahin ye rasta hai
meri fariyaad koi nahin sunta
koi is shahr mein bhi basta hai
'hatim' us zulf ki taraf mat dekh
jaan kar kyun bala mein phansta hai
- Book : Diwan-e-Zadah (Pg. 301)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
