ba-qadr-e-paimana-e-taKHayyul surur har dil mein hai KHudi ka

ba-qadr-e-paimāna-e-taḳhayyul surūr har dil meñ hai ḳhudī kā

agar na ho ye fareb-e-paiham to dam nikal jaa.e aadmī kā

bas ek ehsās-e-nā-rasā.ī na josh is meñ na hosh us ko

junūñ pe hālat rubūdgī kī ḳhirad pe aalam ġhunūdgī kā

hai ruuh tārīkiyoñ meñ hairāñ bujhā huā hai charāġh-e-manzil

kahīñ sar-e-rāh ye musāfir paTak na de bojh zindagī kā

ḳhudā kī rahmat pe bhuul baiThūñ yahī na mā'nī hai is ke vaa.iz

vo abr kā muntazir khaḌā ho makān jaltā ho jab kisī kā

vo laakh jhukvā le sar ko mere magar ye dil ab nahīñ jhukegā

ki kibriyā.ī se bhī ziyāda mizāj nāzuk hai bandagī kā

'jamīl' hairat meñ hai zamāna mire taġhazzul kī muflisī par

na jazba-e-ijtibā-e-rizvī na kaif 'parvez-shāhidī' kā

ba-qadr-e-paimana-e-taKHayyul surur har dil mein hai KHudi ka

agar na ho ye fareb-e-paiham to dam nikal jae aadmi ka

bas ek ehsas-e-na-rasai na josh is mein na hosh us ko

junun pe haalat rubudgi ki KHirad pe aalam ghunudgi ka

hai ruh tarikiyon mein hairan bujha hua hai charagh-e-manzil

kahin sar-e-rah ye musafir paTak na de bojh zindagi ka

KHuda ki rahmat pe bhul baiThun yahi na ma'ni hai is ke waiz

wo abr ka muntazir khaDa ho makan jalta ho jab kisi ka

wo lakh jhukwa le sar ko mere magar ye dil ab nahin jhukega

ki kibriyai se bhi ziyaada mizaj nazuk hai bandagi ka

'jamil' hairat mein hai zamana mere taghazzul ki muflisi par

na jazba-e-ijtiba-e-rizwi na kaif 'parwez-shahidi' ka