sare lafzon ko bab hona hai
saare lafzoñ ko baab honā hai
phir sipurd-e-kitāb honā hai
na dukhāyā karo mire dil ko
roz-e-mahshar hisāb honā hai
kyā kahā 'ishq ho gayā tum ko
ab to ḳhāna-ḳharāb honā hai
maar Daalā hai tum ne bachchoñ ko
tum pe nāzil 'azāb honā hai
jo qalam-band kar rahī huuñ ise
maktaboñ kā nisāb honā hai
sare lafzon ko bab hona hai
phir sipurd-e-kitab hona hai
na dukhaya karo mere dil ko
roz-e-mahshar hisab hona hai
kya kaha 'ishq ho gaya tum ko
ab to KHana-KHarab hona hai
mar Dala hai tum ne bachchon ko
tum pe nazil 'azab hona hai
jo qalam-band kar rahi hun ise
maktabon ka nisab hona hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
