bhul jaana pa yaad aana sahi
bhuul jaanā pa yaad aanā sahī
dil dukhāne kā ik bahāna sahī
chaak hoñge aqīdatoñ ke jigar
fikr kī rāheñ kāfirāna sahī
ḳhvāb-ālud hai 'ufuq kab se
ik sadā-e-qalandarāna sahī
kuchh to hogā pas-e-darīcha-e-dil
'āshiqī khel ik purānā sahī
gir rahā hai vo ābshār-e-sukūt
nauha-e-'ishrat-e-shabāna sahī
chaak hai zindagī kā pairāhan
ye jahāñ ik nigār-ḳhāna sahī
kitne hī aur daaġh haiñ dil par
be-ruḳhī kā tirī gila na sahī
bhul jaana pa yaad aana sahi
dil dukhane ka ek bahana sahi
chaak honge aqidaton ke jigar
fikr ki rahen kafirana sahi
KHwab-alud hai 'ufuq kab se
ek sada-e-qalandarana sahi
kuchh to hoga pas-e-daricha-e-dil
'ashiqi khel ek purana sahi
gir raha hai wo aabshaar-e-sukut
nauha-e-'ishrat-e-shabana sahi
chaak hai zindagi ka pairahan
ye jahan ek nigar-KHana sahi
kitne hi aur dagh hain dil par
be-ruKHi ka teri gila na sahi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
