aankhon se ayan zaKHm ki gahrai to ab hai

āñkhoñ se ayaañ zaḳhm kī gahrā.ī to ab hai

ab aa bhī chuko vaqt-e-masīhā.ī to ab hai

pahle ġham-e-furqat ke ye tevar to nahīñ the

rag rag meñ utartī huī tanhā.ī to ab hai

taarī hai tamannāoñ pe sakrāt kā aalam

har saañs rifāqat kī tamannā.ī to ab hai

kal tak mirī vahshat se faqat tum hī the āgāh

har gaam pe andesha-e-rusvā.ī to ab hai

kyā jaane mahaktī huī sub.hoñ meñ koī dil

shāmoñ meñ kisī dard kī ra.anā.ī to ab hai

dil-soz ye taare haiñ to jāñ-soz ye mahtāb

dar-asal shab-e-anjuman-ārā.ī to ab hai

saf-basta haiñ har moḌ pe kuchh sañg-ba-kaf log

ai zaḳhm-e-hunar lutf-e-pazīrā.ī to ab hai

aankhon se ayan zaKHm ki gahrai to ab hai

ab aa bhi chuko waqt-e-masihai to ab hai

pahle gham-e-furqat ke ye tewar to nahin the

rag rag mein utarti hui tanhai to ab hai

tari hai tamannaon pe sakraat ka aalam

har sans rifaqat ki tamannai to ab hai

kal tak meri wahshat se faqat tum hi the aagah

har gam pe andesha-e-ruswai to ab hai

kya jaane mahakti hui subhon mein koi dil

shamon mein kisi dard ki ranai to ab hai

dil-soz ye tare hain to jaan-soz ye mahtab

dar-asal shab-e-anjuman-arai to ab hai

saf-basta hain har moD pe kuchh sang-ba-kaf log

ai zaKHm-e-hunar lutf-e-pazirai to ab hai