aaj se pahle tere maston ki ye KHwari na thi
aaj se pahle tire mastoñ kī ye ḳhvārī na thī
mai baḌī ifrāt se thī phir bhī sarshārī na thī
ek ham qadroñ kī pāmālī se rahte the malūl
shukr hai yāroñ ko aisī koī bīmārī na thī
zehn kī parvāz ho yā shauq kī rāmish-garī
koī āzādī na thī jis meñ giraftārī na thī
josh thā hangāma thā mahfil meñ terī kyā na thā
ik faqat ādāb-e-mahfil kī nigah-dārī na thī
un kī mahfil meñ nazar aa.e sabhī sho.ala-ba-kaf
apne dāman meñ magar koī bhī chingārī na thī
kal isī bastī meñ kuchh ahl-e-vafā hote to the
is qadar ahl-e-havas kī garm-bāzārī na thī
husn kāfir thā adā qātil thī bāteñ sehr thiiñ
aur to sab kuchh thā lekin rasm-e-dildārī na thī
aaj se pahle tere maston ki ye KHwari na thi
mai baDi ifraat se thi phir bhi sarshaari na thi
ek hum qadron ki pamali se rahte the malul
shukr hai yaron ko aisi koi bimari na thi
zehn ki parwaz ho ya shauq ki ramish-gari
koi aazadi na thi jis mein giraftari na thi
josh tha hangama tha mahfil mein teri kya na tha
ek faqat aadab-e-mahfil ki nigah-dari na thi
un ki mahfil mein nazar aae sabhi shoala-ba-kaf
apne daman mein magar koi bhi chingari na thi
kal isi basti mein kuchh ahl-e-wafa hote to the
is qadar ahl-e-hawas ki garm-bazari na thi
husn kafir tha ada qatil thi baaten sehr thin
aur to sab kuchh tha lekin rasm-e-dildari na thi
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
