zulmaton mein raushni ki justuju karte raho
zulmatoñ meñ raushnī kī justujū karte raho
zindagī bhar zindagī kī justujū karte raho
jis pe ho saaqī ba-zom-e-hosh-mandī bhī fidā
us mukammal be-ḳhudī kī justujū karte raho
be-junūñ chaltā nahīñ hai kār-e-tāmīr-e-hayāt
hosh vaalo āgahī kī justujū karte raho
ādmiyat ke sivā jis kā koī maqsad na ho
umr bhar us aadmī kī justujū karte raho
shart-e-irfān-e-ḳhudā 'anvar' hai ḳhud apnī talāsh
yuuñ to karne ko kisī kī justujū karte raho
zulmaton mein raushni ki justuju karte raho
zindagi bhar zindagi ki justuju karte raho
jis pe ho saqi ba-zom-e-hosh-mandi bhi fida
us mukammal be-KHudi ki justuju karte raho
be-junun chalta nahin hai kar-e-tamir-e-hayat
hosh walo aagahi ki justuju karte raho
aadmiyat ke siwa jis ka koi maqsad na ho
umr bhar us aadmi ki justuju karte raho
shart-e-irfan-e-KHuda 'anwar' hai KHud apni talash
yun to karne ko kisi ki justuju karte raho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
