zindagi ki rah mein ek moD aisa aaega
zindagī kī raah meñ ik moḌ aisā aa.egā
jis ke aage har koī ḳhud ko akelā pā.egā
kaun kitnā zabt kar sakta hai karb-e-hijr ko
rail jab chalne lagegī faisla ho jā.egā
aaj bhī us rūThne vaale se ye ummīd hai
merī jānib dekh kar ik baar to muskā.egā
is tarah degā sazā apnā.iyat ke jurm kī
maiñ use apnā kahūñ vo ġhair ke gun gā.egā
ab hamārī aañkh meñ manzar na koī ḳhvāb hai
tujh se ik rishta dhanak rañgoñ kī chādar lā.egā
jal chuke miT bhī chuke kab se ġharīboñ ke makāñ
ye dhuāñ kab tak hamāre zehn meñ lahrā.egā
de to aa.e us ko saare faisle karne kā haq
dil laraztā hai muqadma kis ke haq meñ jā.egā
zindagi ki rah mein ek moD aisa aaega
jis ke aage har koi KHud ko akela paega
kaun kitna zabt kar sakta hai karb-e-hijr ko
rail jab chalne lagegi faisla ho jaega
aaj bhi us ruThne wale se ye ummid hai
meri jaanib dekh kar ek bar to muskaega
is tarah dega saza apnaiyat ke jurm ki
main use apna kahun wo ghair ke gun gaega
ab hamari aankh mein manzar na koi KHwab hai
tujh se ek rishta dhanak rangon ki chadar laega
jal chuke miT bhi chuke kab se gharibon ke makan
ye dhuan kab tak hamare zehn mein lahraega
de to aae us ko sare faisle karne ka haq
dil larazta hai muqadma kis ke haq mein jaega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
