yun toD na muddat ki shanasai idhar aa

yuuñ toḌ na muddat kī shanāsā.ī idhar aa

aa jā mirī rūThī huī tanhā.ī idhar aa

mujh ko bhī ye lamhoñ kā safar chaaT rahā hai

mil baañT ke ro leñ ai mire bhaa.ī idhar aa

ai sail-e-ravān-e-abadī zindagī naamī

maiñ kaun sā pāband huuñ harjā.ī idhar aa

is nik.hat-o-ra.anā.ī se khaa.e haiñ ka.ī zaḳhm

ai tū ki nahīñ nik.hat-o-ra.anā.ī idhar aa

a.asāb khiñche jaate haiñ ab shaam o sahar meñ

hone hī ko hai ma.arka-ārā.ī idhar aa

suntā huuñ ki tujh ko bhī zamāne se gila hai

mujh ko bhī ye duniyā nahīñ raas aa.ī idhar aa

maiñ rāh-numāoñ meñ nahīñ maan mirī baat

maiñ bhī huuñ isī dasht kā saudā.ī idhar aa

yun toD na muddat ki shanasai idhar aa

aa ja meri ruThi hui tanhai idhar aa

mujh ko bhi ye lamhon ka safar chaT raha hai

mil banT ke ro len ai mere bhai idhar aa

ai sail-e-rawan-e-abadi zindagi nami

main kaun sa paband hun harjai idhar aa

is nikhat-o-ranai se khae hain kai zaKHm

ai tu ki nahin nikhat-o-ranai idhar aa

aasab khinche jate hain ab sham o sahar mein

hone hi ko hai marka-arai idhar aa

sunta hun ki tujh ko bhi zamane se gila hai

mujh ko bhi ye duniya nahin ras aai idhar aa

main rah-numaon mein nahin man meri baat

main bhi hun isi dasht ka saudai idhar aa