ye umr-e-sad-bala jo apne hi sar gai hai

ye 'umr-e-sad-balā jo apne hī sar ga.ī hai

thoḌī guzār leñge thoḌā guzar ga.ī hai

yā muuñd liiñ haiñ āñkheñ yā muñd ga.iiñ haiñ āñkheñ

tujh par pas-e-tamāshā kyā kyā guzar ga.ī hai

mumkin nahīñ hai shāyad donoñ kā saath rahnā

terī ḳhabar jab aa.ī apnī ḳhabar ga.ī hai

mā'lūm hī nahīñ hai kuchh farq hī nahīñ hai

ye din guzar gayā hai yā shab guzar ga.ī hai

har gul-badan ko taknā āñkhoñ se chuum rakhnā

dīvāngī hamārī had se guzar ga.ī hai

ye 'umr-e-sad-bala jo apne hi sar gai hai

thoDi guzar lenge thoDa guzar gai hai

ya mund lin hain aankhen ya mund gain hain aankhen

tujh par pas-e-tamasha kya kya guzar gai hai

mumkin nahin hai shayad donon ka sath rahna

teri KHabar jab aai apni KHabar gai hai

ma'lum hi nahin hai kuchh farq hi nahin hai

ye din guzar gaya hai ya shab guzar gai hai

har gul-badan ko takna aankhon se chum rakhna

diwangi hamari had se guzar gai hai