wo jalwa tur par jo dikhaya na ja saka

vo jalva tuur par jo dikhāyā na jā sakā

āḳhir yahī huā ki chhupāyā na jā sakā

aate hī un ke dasht o jabal muskurā uThe

aise meñ apnā haal sunāyā na jā sakā

gardūñ bhī iztirāb-e-azīzāñ se hil gayā

so.e kuchh aise ham ki jagāyā na jā sakā

dāman ke daaġh ashk-e-nadāmat ne dho diye

lekin ye dil kā daaġh miTāyā na jā sakā

kitnī ghaTā.eñ aa.iiñ baras kar guzar ga.iiñ

shola hamāre dil kā bujhāyā na jā sakā

bāteñ hazār yuuñ to harīfoñ kī chhup ga.iiñ

'vāsif' kā raaz thā jo chhupāyā na jā sakā

wo jalwa tur par jo dikhaya na ja saka

aaKHir yahi hua ki chhupaya na ja saka

aate hi un ke dasht o jabal muskura uThe

aise mein apna haal sunaya na ja saka

gardun bhi iztirab-e-azizan se hil gaya

soe kuchh aise hum ki jagaya na ja saka

daman ke dagh ashk-e-nadamat ne dho diye

lekin ye dil ka dagh miTaya na ja saka

kitni ghaTaen aain baras kar guzar gain

shola hamare dil ka bujhaya na ja saka

baaten hazar yun to harifon ki chhup gain

'wasif' ka raaz tha jo chhupaya na ja saka