waqt ka qafila aata hai guzar jata hai
vaqt kā qāfila aatā hai guzar jaatā hai
aadmī apnī hī manzil meñ Thahar jaatā hai
ek bigḌī huī qismat pe na hañsnā ai dost
jaane kis vaqt ye insān sañvar jaatā hai
is taraf aish kī sham.eñ to udhar dil ke charāġh
dekhnā ye hai ki parvāna kidhar jaatā hai
jām-o-sahbā kī mujhe fikr nahīñ ai ġham-e-dil
merā paimāna to ashkoñ hī se bhar jaatā hai
ek rishta bhī mohabbat kā agar TuuT gayā
dekhte dekhte shīrāza bikhar jaatā hai
haal mere liye hai lamha-e-ā.inda 'nushūr'
vaqt shā.er ke liye pahle guzar jaatā hai
waqt ka qafila aata hai guzar jata hai
aadmi apni hi manzil mein Thahar jata hai
ek bigDi hui qismat pe na hansna ai dost
jaane kis waqt ye insan sanwar jata hai
is taraf aish ki shamen to udhar dil ke charagh
dekhna ye hai ki parwana kidhar jata hai
jam-o-sahba ki mujhe fikr nahin ai gham-e-dil
mera paimana to ashkon hi se bhar jata hai
ek rishta bhi mohabbat ka agar TuT gaya
dekhte dekhte shiraaza bikhar jata hai
haal mere liye hai lamha-e-ainda 'nushur'
waqt shaer ke liye pahle guzar jata hai
- Book : Sawad-e-manzil (Pg. 283)
- Author : Nushoor Wahedi
- Publication : Maktaba Jamia Ltd, Delhi (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
