shauq-e-sawab kuchh nahin KHauf-e-azab kuchh nahin

shauq-e-savāb kuchh nahīñ ḳhauf-e-azāb kuchh nahīñ

jis meñ na josh-e-johd ho us kā shabāb kuchh nahīñ

zindagī ik savāl hai jis kā javāb maut hai

maut bhī ik savāl hai jis kā javāb kuchh nahīñ

naġhma-e-nau ke vāste ġhair kī ehtiyāj kyā

chheḌ de tār-e-sāz-e-dil chañg-o-rubāb kuchh nahīñ

saaf diloñ ke vāste tañg hai arsa-e-hayāt

zāt-e-hubāb ḳhuub hai umr-e-hubāb kuchh nahīñ

barhaman aur shaiḳh meñ jhagḌe yahī haiñ raat din

terī kitāb kuchh nahīñ terī kitāb kuchh nahīñ

raat ko mai-kade meñ kal thī kisī mast kī sadā

ek nazar kā rañg hai rañg-e-sharāb kuchh nahīñ

shauq-e-sawab kuchh nahin KHauf-e-azab kuchh nahin

jis mein na josh-e-johd ho us ka shabab kuchh nahin

zindagi ek sawal hai jis ka jawab maut hai

maut bhi ek sawal hai jis ka jawab kuchh nahin

naghma-e-nau ke waste ghair ki ehtiyaj kya

chheD de tar-e-saz-e-dil chang-o-rubab kuchh nahin

saf dilon ke waste tang hai arsa-e-hayat

zat-e-hubab KHub hai umr-e-hubab kuchh nahin

barhaman aur shaiKH mein jhagDe yahi hain raat din

teri kitab kuchh nahin teri kitab kuchh nahin

raat ko mai-kade mein kal thi kisi mast ki sada

ek nazar ka rang hai rang-e-sharab kuchh nahin