raat wahshat se gurezan tha main aahu ki tarah
raat vahshat se gurezāñ thā maiñ aahū kī tarah
paañv paḌtī rahī zanjīr bhī ghuñgrū kī tarah
ab tire lauT ke aane kī koī aas nahīñ
tū judā mujh se huā aañkh se aañsū kī tarah
ab hameñ apnī jihālat pe hañsī aatī hai
ham kabhī ḳhud ko samajhte the arastū kī tarah
haañ tujhe bhī to mayassar nahīñ tujh sā koī
hai tirā arsh bhī vīrāñ mire pahlū kī tarah
naaz o andāz meñ shā.ista sā vo husn-e-nafīs
hū-ba-hū jān-e-ġhazal hai mirī urdu kī tarah
raat wahshat se gurezan tha main aahu ki tarah
panw paDti rahi zanjir bhi ghungru ki tarah
ab tere lauT ke aane ki koi aas nahin
tu juda mujh se hua aankh se aansu ki tarah
ab hamein apni jihaalat pe hansi aati hai
hum kabhi KHud ko samajhte the arastu ki tarah
han tujhe bhi to mayassar nahin tujh sa koi
hai tera arsh bhi viran mere pahlu ki tarah
naz o andaz mein shaista sa wo husn-e-nafis
hu-ba-hu jaan-e-ghazal hai meri urdu ki tarah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
