qata ho kar kakul-e-shab-gir aadhi rah gai

qat.a ho kar kākul-e-shab-gīr aadhī rah ga.ī

ab to ai saudā.iyo zanjīr aadhī rah ga.ī

saarī botal ab kahāñ aadhī meñ karte haiñ guzar

munsifī se mohtasib ta.azīr aadhī rah ga.ī

shaam kā va.ada kiyā aa.e vo aadhī raat ko

jazba-e-dil kī mire tāsīr aadhī rah ga.ī

Dhal gayā ahd-e-javānī ho gayā āḳhir shabāb

zindagī apnī bhī charḳh-e-pīr aadhī rah ga.ī

ik kashish-e-ishq kamān-e-abrū kī hai terī taḌap

buad meñ jo raah thī do tiir aadhī rah ga.ī

jubba-sā.ī karte karte ghis ga.ī lauh-e-jabīñ

merī qismat kī jo thī tahrīr aadhī rah ga.ī

saarī izzat naukrī se is zamāne meñ hai 'mehr'

jab hue be-kār bas tauqīr aadhī rah ga.ī

qata ho kar kakul-e-shab-gir aadhi rah gai

ab to ai saudaiyo zanjir aadhi rah gai

sari botal ab kahan aadhi mein karte hain guzar

munsifi se mohtasib tazir aadhi rah gai

sham ka wada kiya aae wo aadhi raat ko

jazba-e-dil ki mere tasir aadhi rah gai

Dhal gaya ahd-e-jawani ho gaya aaKHir shabab

zindagi apni bhi charKH-e-pir aadhi rah gai

ek kashish-e-ishq kaman-e-abru ki hai teri taDap

buad mein jo rah thi do tir aadhi rah gai

jubba-sai karte karte ghis gai lauh-e-jabin

meri qismat ki jo thi tahrir aadhi rah gai

sari izzat naukri se is zamane mein hai 'mehr'

jab hue be-kar bas tauqir aadhi rah gai