peD ke patton mein halchal hai KHabar-dar se hain

peḌ ke pattoñ meñ halchal hai ḳhabar-dār se haiñ

shaam se tez havā chalne ke āsār se haiñ

nāḳhudā dekh rahā hai ki maiñ girdāb meñ huuñ

aur jo pul pe khaḌe log haiñ aḳhbār se haiñ

chaḌhte sailāb meñ sāhil ne to muñh Dhāñp liyā

log paanī kā kafan lene ko tayyār se haiñ

kal tavārīḳh meñ dafnā.e ga.e the jo log

un ke saa.e abhī darvāzoñ pe bedār se haiñ

vaqt ke tiir to siine pe sambhāle ham ne

aur jo niil paḌe haiñ tirī guftār se haiñ

ruuh se chhīle hue jism jahāñ bikte haiñ

ham ko bhī bech de ham bhī usī bāzār se haiñ

jab se vo ahl-e-siyāsat meñ hue haiñ shāmil

kuchh adū ke haiñ to kuchh mere taraf-dār se haiñ

peD ke patton mein halchal hai KHabar-dar se hain

sham se tez hawa chalne ke aasar se hain

naKHuda dekh raha hai ki main girdab mein hun

aur jo pul pe khaDe log hain aKHbar se hain

chaDhte sailab mein sahil ne to munh Dhanp liya

log pani ka kafan lene ko tayyar se hain

kal tawariKH mein dafnae gae the jo log

un ke sae abhi darwazon pe bedar se hain

waqt ke tir to sine pe sambhaale hum ne

aur jo nil paDe hain teri guftar se hain

ruh se chhile hue jism jahan bikte hain

hum ko bhi bech de hum bhi usi bazar se hain

jab se wo ahl-e-siyasat mein hue hain shamil

kuchh adu ke hain to kuchh mere taraf-dar se hain