par saubat raston ki garmiyan bhi de gaya

par sa.ūbat rāstoñ kī garmiyāñ bhī de gayā

aane vaalī chhāñv kī ḳhush-fahmiyāñ bhī de gayā

saḳht bījoñ se sunahrī bāliyāñ bhī bhar ga.iiñ

garm jhoñkā mausamoñ kī saḳhtiyāñ bhī de gayā

bādaloñ kī aas us ke saath hī ruḳhsat huī

shahr ko vo aag kī be-rahmiyāñ bhī de gayā

ehtisāb us kā amal thā us se vo fāriġh huā

vaqt saḌkoñ ko luTī shahzādiyāñ bhī de gayā

bebasī aur bhuuk meñ jo hausle detā rahā

pyaar karne kī mujhe kamzoriyāñ bhī de gayā

Tahniyāñ phūloñ se lad kar rab ke aage jhuk ga.iiñ

mausam-e-gul jaate jaate titliyāñ bhī de gayā

āsmāñ ne maañ zamīñ kī god to bhar dī magar

de ke beTe un ko kuchh nā-samjhiyāñ bhī de gayā

par saubat raston ki garmiyan bhi de gaya

aane wali chhanw ki KHush-fahmiyan bhi de gaya

saKHt bijon se sunahri baaliyan bhi bhar gain

garm jhonka mausamon ki saKHtiyan bhi de gaya

baadalon ki aas us ke sath hi ruKHsat hui

shahr ko wo aag ki be-rahmiyan bhi de gaya

ehtisab us ka amal tha us se wo farigh hua

waqt saDkon ko luTi shahzadiyan bhi de gaya

bebasi aur bhuk mein jo hausle deta raha

pyar karne ki mujhe kamzoriyan bhi de gaya

Tahniyan phulon se lad kar rab ke aage jhuk gain

mausam-e-gul jate jate titliyan bhi de gaya

aasman ne man zamin ki god to bhar di magar

de ke beTe un ko kuchh na-samjhiyan bhi de gaya