naza mein gar meri baalin pe tu aaya hota

naza.a meñ gar mirī bālīñ pe tū aayā hotā

is tarah ashk maiñ āñkhoñ meñ na laayā hotā

mere ḳhurshīd na hotā ye mirā roz-e-siyāh

tū ne gar zulf meñ mukhḌā na chhupāyā hotā

bāġh-e-jannat meñ bhī kyā ḳhuub guzartī merī

vaañ bhī sar par jo tirī zulf kā saayā hotā

nāsehā chāk-e-garebāñ ke silāne se husūl

chaak āñkhoñ kā mirī tū ne silāyā hotā

phuul paḌtā na 'ḳhalīq' ātish-e-gul se us par

āshiyāñ ham ne Tuk ūñchā jo banāyā hotā

naza mein gar meri baalin pe tu aaya hota

is tarah ashk main aankhon mein na laya hota

mere KHurshid na hota ye mera roz-e-siyah

tu ne gar zulf mein mukhDa na chhupaya hota

bagh-e-jannat mein bhi kya KHub guzarti meri

wan bhi sar par jo teri zulf ka saya hota

naseha chaak-e-gareban ke silane se husul

chaak aankhon ka meri tu ne silaya hota

phul paDta na 'KHaliq' aatish-e-gul se us par

aashiyan hum ne Tuk uncha jo banaya hota