na guman maut ka hai na KHayal zindagi ka
na gumān maut kā hai na ḳhayāl zindagī kā
so ye haal in dinoñ hai mire dil kī be-kasī kā
maiñ shikasta baam o dar meñ jise jā ke DhūñDtā thā
koī yaad thī kisī kī koī naam thā kisī kā
maiñ havāoñ se hirāsāñ vo ghuTan se dil-girafta
maiñ charāġh tīrgī kā vo gulāb raushnī kā
abhī rail ke safar meñ haiñ bahut nihāl donoñ
kahīñ rog ban na jaa.e yahī saath do ghaḌī kā
koī shahr aa rahā hai to ye ḳhauf aa rahā hai
koī jaane kab utar le ki bharosa kyā kisī kā
koī muḳhtalif nahīñ hai ye dhuāñ ye rā.egānī
ki jo haal shahr kā hai vahī apnī shā.irī kā
na guman maut ka hai na KHayal zindagi ka
so ye haal in dinon hai mere dil ki be-kasi ka
main shikasta baam o dar mein jise ja ke DhunDta tha
koi yaad thi kisi ki koi nam tha kisi ka
main hawaon se hirasan wo ghuTan se dil-girafta
main charagh tirgi ka wo gulab raushni ka
abhi rail ke safar mein hain bahut nihaal donon
kahin rog ban na jae yahi sath do ghaDi ka
koi shahr aa raha hai to ye KHauf aa raha hai
koi jaane kab utar le ki bharosa kya kisi ka
koi muKHtalif nahin hai ye dhuan ye raegani
ki jo haal shahr ka hai wahi apni shairi ka
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
