mohabbat mein shikayat kar raha hun

mohabbat meñ shikāyat kar rahā huuñ

shikāyat meñ mohabbat kar rahā huuñ

sunā hai ādateñ martī nahīñ haiñ

so ḳhud ko ek aadat kar rahā huuñ

vo yuuñ bhī ḳhūbsūrat hai magar maiñ

use aur ḳhūbsūrat kar rahā huuñ

kise ma.alūm kab aa.e qayāmat

so har din ik qayāmat kar rahā huuñ

udāsī se bharī āñkheñ haiñ us kī

maiñ sadiyoñ se ziyārat kar rahā huuñ

zarūrat hī nahīñ merī kisī ko

so ḳhud ko apnī chāhat kar rahā huuñ

mohabbat mein shikayat kar raha hun

shikayat mein mohabbat kar raha hun

suna hai aadaten marti nahin hain

so KHud ko ek aadat kar raha hun

wo yun bhi KHubsurat hai magar main

use aur KHubsurat kar raha hun

kise malum kab aae qayamat

so har din ek qayamat kar raha hun

udasi se bhari aankhen hain us ki

main sadiyon se ziyarat kar raha hun

zarurat hi nahin meri kisi ko

so KHud ko apni chahat kar raha hun