kuchh aise zaKHm-e-zamana ka indimal kiya
kuchh aise zaḳhm-e-zamāna kā indimāl kiyā
kabhī namāz paḌhī aur kabhī dhamāl kiyā
lagā.ī zarb-e-shadīd apne dil pe mastī meñ
ḳhudā se TuuTā huā rābta bahāl kiyā
usī kī baat likhī chāhe kam likhī ham ne
usī kā zikr kiyā chāhe ḳhāl-ḳhāl kiyā
lo ham ne Dhaal liyā ḳhud ko us ke paikar meñ
lo ham ne hijr ke arse ko bhī visāl kiyā
tumhāre hijr meñ marnā thā kaun sā mushkil
tumhāre hijr meñ zinda haiñ ye kamāl kiyā
kuchh aise zaKHm-e-zamana ka indimal kiya
kabhi namaz paDhi aur kabhi dhamal kiya
lagai zarb-e-shadid apne dil pe masti mein
KHuda se TuTa hua rabta bahaal kiya
usi ki baat likhi chahe kam likhi hum ne
usi ka zikr kiya chahe KHal-KHal kiya
lo hum ne Dhaal liya KHud ko us ke paikar mein
lo hum ne hijr ke arse ko bhi visal kiya
tumhaare hijr mein marna tha kaun sa mushkil
tumhaare hijr mein zinda hain ye kamal kiya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
