kaisa maftuh sa manzar hai kai sadiyon se
kaisā maftūh sā manzar hai ka.ī sadiyoñ se
mere qadmoñ pe mirā sar hai ka.ī sadiyoñ se
ḳhauf rahtā hai na sailāb kahīñ le jaa.e
merī palkoñ pe tirā ghar hai ka.ī sadiyoñ se
ashk āñkhoñ meñ sulagte hue so jaate haiñ
ye mirī aañkh jo banjar hai ka.ī sadiyoñ se
kaun kahtā hai mulāqāt mirī aaj kī hai
tū mirī ruuh ke andar hai ka.ī sadiyoñ se
maiñ ne jis ke liye har shaḳhs ko nārāz kiyā
ruuTh jaa.e na yahī Dar hai ka.ī sadiyoñ se
us ko aadat hai jaḌeñ kāTte rahne kī 'vasī'
jo mirī zaat kā mehvar hai ka.ī sadiyoñ se
kaisa maftuh sa manzar hai kai sadiyon se
mere qadmon pe mera sar hai kai sadiyon se
KHauf rahta hai na sailab kahin le jae
meri palkon pe tera ghar hai kai sadiyon se
ashk aankhon mein sulagte hue so jate hain
ye meri aankh jo banjar hai kai sadiyon se
kaun kahta hai mulaqat meri aaj ki hai
tu meri ruh ke andar hai kai sadiyon se
main ne jis ke liye har shaKHs ko naraaz kiya
ruTh jae na yahi Dar hai kai sadiyon se
us ko aadat hai jaDen kaTte rahne ki 'wasi'
jo meri zat ka mehwar hai kai sadiyon se
- Book : Beesveen Sadi Ki Behtareen Ishqiya Ghazlen (Pg. 222)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
