kahin bhi shahr mein kunj-e-aman nahin milta

kahīñ bhī shahr meñ kunj-e-amāñ nahīñ miltā

ki aaj rābta-e-jism-o-jāñ nahīñ miltā

ye sochtā huuñ kahāñ se ho ibtidā, āḳhir

ki harf koī pas-e-dāstāñ nahīñ miltā

samay kī lahr meñ ġharqāb ho rahā huuñ maiñ

kahīñ pe naav kahīñ bādbāñ nahīñ miltā

tamām umr kī lā-hāsilī azaab huī

vo mil gayā hai to apnā nishāñ nahīñ miltā

batā rahī hai bagūloñ kī ham-rahī mujh ko

pas-e-ġhubār koī kārvāñ nahīñ miltā

mire ḳhilāf shahādat hai mo'tabar sab kī

magar kisī se kisī kā bayāñ nahīñ miltā

ye kaisī sā.ateñ sar par haiñ āj-kal 'at.har'

zamīñ milī hai to ab āsmāñ nahīñ miltā

kahin bhi shahr mein kunj-e-aman nahin milta

ki aaj rabta-e-jism-o-jaan nahin milta

ye sochta hun kahan se ho ibtida, aaKHir

ki harf koi pas-e-dastan nahin milta

samay ki lahr mein gharqab ho raha hun main

kahin pe naw kahin baadban nahin milta

tamam umr ki la-hasili azab hui

wo mil gaya hai to apna nishan nahin milta

bata rahi hai bagulon ki ham-rahi mujh ko

pas-e-ghubar koi karwan nahin milta

mere KHilaf shahadat hai mo'tabar sab ki

magar kisi se kisi ka bayan nahin milta

ye kaisi saaten sar par hain aaj-kal 'athar'

zamin mili hai to ab aasman nahin milta