itna karam itni ata phir ho na ho
itnā karam itnī atā phir ho na ho
tum se sanam va.ada vafā phir ho na ho
ye hī haiñ din, bāġhī agar banñā hai ban
tujh par sitam kis ko patā phir ho na ho
shāyad ye manzar us ke aane tak hī ho
āñkhoñ meñ dam aTkā huā phir ho na ho
manzil tak apnā saath hai, gaate chaleñ
tū ham-qadam tū ham-navā phir ho na ho
aage thakan kar de na kam shauq-e-safar
naqsh-e-qadam par jaañ fidā phir ho na ho
itna karam itni ata phir ho na ho
tum se sanam wada wafa phir ho na ho
ye hi hain din, baghi agar banna hai ban
tujh par sitam kis ko pata phir ho na ho
shayad ye manzar us ke aane tak hi ho
aankhon mein dam aTka hua phir ho na ho
manzil tak apna sath hai, gate chalen
tu ham-qadam tu ham-nawa phir ho na ho
aage thakan kar de na kam shauq-e-safar
naqsh-e-qadam par jaan fida phir ho na ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
