har lamha zulmaton ki KHudai ka waqt hai
har lamha zulmatoñ kī ḳhudā.ī kā vaqt hai
shāyad kisī kī chehra-numā.ī kā vaqt hai
kahtī hai sāhiloñ se ye jaate samay kī dhuup
hushyār naddiyoñ kī chaḌhā.ī kā vaqt hai
hotī hai shaam aañkh se aañsū ravāñ hue
ye vaqt qaidiyoñ kī rihā.ī kā vaqt hai
koī bhī vaqt ho kabhī hotā nahīñ judā
kitnā aziiz us kī judā.ī kā vaqt hai
dil ne kahā ki shām-e-shab-e-vasl se na bhaag
ab pak chukī hai fasl kaTā.ī kā vaqt hai
maiñ ne kahā ki dekh ye maiñ ye havā ye raat
us ne kahā ki merī paḌhā.ī kā vaqt hai
har lamha zulmaton ki KHudai ka waqt hai
shayad kisi ki chehra-numai ka waqt hai
kahti hai sahilon se ye jate samay ki dhup
hushyar naddiyon ki chaDhai ka waqt hai
hoti hai sham aankh se aansu rawan hue
ye waqt qaidiyon ki rihai ka waqt hai
koi bhi waqt ho kabhi hota nahin juda
kitna aziz us ki judai ka waqt hai
dil ne kaha ki sham-e-shab-e-wasl se na bhag
ab pak chuki hai fasl kaTai ka waqt hai
main ne kaha ki dekh ye main ye hawa ye raat
us ne kaha ki meri paDhai ka waqt hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
