har kasa-e-dil kaif se sarshaar bahut hai
har kāsa-e-dil kaif se sarshār bahut hai
mā.il-ba-karam koī tarah-dār bahut hai
kab satvat-e-asbāb kī hai dil ko tamannā
ham ahl-e-tarīqat ko to pindār bahut hai
ye ahd ibārat nahīñ shamshīr-o-sināñ se
shorīda-saro! jur.at-e-guftār bahut hai
kartā hai lahū dil ko har ik harf-e-tasallī
kahne ko to yuuñ qurbat-e-ġham-ḳhvār bahut hai
har-chand rasā.ī meñ nahīñ fasl-e-bahārāñ
arbāb-e-junūñ dāman-e-dildār bahut hai
hoñToñ se ho mānūs agar haq to junūñ ko
ik na.ara-e-mansūr sar-e-dār bahut hai
har kasa-e-dil kaif se sarshaar bahut hai
mail-ba-karam koi tarah-dar bahut hai
kab satwat-e-asbab ki hai dil ko tamanna
hum ahl-e-tariqat ko to pindar bahut hai
ye ahd ibarat nahin shamshir-o-sinan se
shorida-saro! jurat-e-guftar bahut hai
karta hai lahu dil ko har ek harf-e-tasalli
kahne ko to yun qurbat-e-gham-KHwar bahut hai
har-chand rasai mein nahin fasl-e-bahaaran
arbab-e-junun daman-e-dildar bahut hai
honTon se ho manus agar haq to junun ko
ek nara-e-mansur sar-e-dar bahut hai
- Book : Pakistani Adab (Pg. 609)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
