hum na duniya ke hain na din ke hain

ham na duniyā ke haiñ na diiñ ke haiñ

ham to ik zulf-e-ambarīñ ke haiñ

shīsha-o-mai se be-niyāz haiñ ham

mast us chashm-e-surmagīñ ke haiñ

rañg ho raushnī ho yā ḳhushbū

sab meñ partav usī hasīñ ke haiñ

chashm-e-be-ḳhvāb dāman-e-gulgūñ

sab karishme usī zahīñ ke haiñ

haiñ makīñ qarya-e-mohabbat ke

āsmāñ ke na ham zamīñ ke haiñ

aa.e the shahr-e-husn meñ ik din

aur ik umr se yahīñ ke haiñ

āyateñ haiñ hamārī qismat kī

ye jo chitvan tirī jabīñ ke haiñ

zulmat-e-shām-e-hijr se 'imrran'

tazkire ek mah-jabīñ ke haiñ

hum na duniya ke hain na din ke hain

hum to ek zulf-e-ambarin ke hain

shisha-o-mai se be-niyaz hain hum

mast us chashm-e-surmagin ke hain

rang ho raushni ho ya KHushbu

sab mein partaw usi hasin ke hain

chashm-e-be-KHwab daman-e-gulgun

sab karishme usi zahin ke hain

hain makin qarya-e-mohabbat ke

aasman ke na hum zamin ke hain

aae the shahr-e-husn mein ek din

aur ek umr se yahin ke hain

aayaten hain hamari qismat ki

ye jo chitwan teri jabin ke hain

zulmat-e-sham-e-hijr se 'imrran'

tazkire ek mah-jabin ke hain