ek taswir jalani hai abhi
ek tasvīr jalānī hai abhī
haañ magar aañkh meñ paanī hai abhī
us ne jab haath milāyā to lagā
dil meñ ik phāñs purānī hai abhī
abhī baaqī hai bichhaḌnā us se
nā-mukammal ye kahānī hai abhī
ai havā aisī bhī ujlat kyā hai?
kyā kahīñ aag lagānī hai abhī
rāsta rok rahī hai ik yaad
ye bhī dīvār girānī hai abhī
ye jo patthar haiñ inheñ TūTnā hai
mere ashkoñ meñ ravānī hai abhī
vaqt ye pūchh rahā hai 'tāriq'
gard kuchh aur uḌānī hai abhī?
ek taswir jalani hai abhi
han magar aankh mein pani hai abhi
us ne jab hath milaya to laga
dil mein ek phans purani hai abhi
abhi baqi hai bichhaDna us se
na-mukammal ye kahani hai abhi
ai hawa aisi bhi ujlat kya hai?
kya kahin aag lagani hai abhi
rasta rok rahi hai ek yaad
ye bhi diwar girani hai abhi
ye jo patthar hain inhen TuTna hai
mere ashkon mein rawani hai abhi
waqt ye puchh raha hai 'tariq'
gard kuchh aur uDani hai abhi?
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
