der tak chand muKHtasar baaten
der tak chand muḳhtasar bāteñ
us se kiiñ maiñ ne aañkh bhar bāteñ
tū mire paas jab nahīñ hotā
tujh se kartā huuñ kis qadar bāteñ
kaisī bechārgī se karte haiñ
be-asar log bā-asar bāteñ
dekh bachchoñ se guftugū kar ke
kaisī hotīñ haiñ be-zarar bāteñ
sun kabhī be-ḳhudī meñ karte haiñ
be-ḳhabar log bā-ḳhabar bāteñ
us kī aadat hai baat karne kī
vo karegā idhar udhar bāteñ
intihā.ī hasīn lagtī hai
jab vo kartī hai ruuTh kar bāteñ
aa mujhe sun ki ho tujhe mālūm
kaisī hotī haiñ ḳhūb-tar bāteñ
sahl kaT jaa.e ye tavīl safar
aur kar mere ham-safar bāteñ
koī suntā na ho kahīñ 'āsim'
yuuñ na kar us se phone par bāteñ
der tak chand muKHtasar baaten
us se kin main ne aankh bhar baaten
tu mere pas jab nahin hota
tujh se karta hun kis qadar baaten
kaisi bechaargi se karte hain
be-asar log ba-asar baaten
dekh bachchon se guftugu kar ke
kaisi hotin hain be-zarar baaten
sun kabhi be-KHudi mein karte hain
be-KHabar log ba-KHabar baaten
us ki aadat hai baat karne ki
wo karega idhar udhar baaten
intihai hasin lagti hai
jab wo karti hai ruTh kar baaten
aa mujhe sun ki ho tujhe malum
kaisi hoti hain KHub-tar baaten
sahl kaT jae ye tawil safar
aur kar mere ham-safar baaten
koi sunta na ho kahin 'asim'
yun na kar us se phone par baaten
- Book : Lafz Mehfooz Kar Liye Jaayen (Pg. 73)
- Author : Asim Wasti
- Publication : Rekhta Publications (2020)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
