chali ab gul ke hathon se luTa kar karwan apna
chali ab gul ke hathon se luTa kar karwan apna
Mazhar Mirza Jaan-e-Janaan
MORE BYMazhar Mirza Jaan-e-Janaan
chalī ab gul ke hāthoñ se luTā kar kārvāñ apnā
na chhoḌā haa.e bulbul ne chaman meñ kuchh nishāñ apnā
ye hasrat rah ga.ī kyā kyā maze se zindagī karte
agar hotā chaman apnā gul apnā bāġhbāñ apnā
alam se yaañ talak roiiñ ki āḳhir ho ga.iiñ rusvā
Dubāyā haa.e āñkhoñ ne mizha kā ḳhāndāñ apnā
raqībāñ kī na kuchh taqsīr sābit hai na ḳhūbāñ kī
mujhe nāhaq satātā hai ye ishq-e-bad-gumāñ apnā
mirā jī jaltā hai us bulbul-e-bekas kī ġhurbat par
ki jin ne aasre par gul ke chhoḌā āshiyāñ apnā
jo tū ne kī so dushman bhī nahīñ dushman se kartā hai
ġhalat thā jānte the tujh ko jo ham mehrbāñ apnā
koī āzurda kartā hai sajan apne ko he zālim
ki daulat-ḳhvāh apnā 'maz.har' apnā 'jān-e-jāñ' apnā
chali ab gul ke hathon se luTa kar karwan apna
na chhoDa hae bulbul ne chaman mein kuchh nishan apna
ye hasrat rah gai kya kya maze se zindagi karte
agar hota chaman apna gul apna baghban apna
alam se yan talak roin ki aaKHir ho gain ruswa
Dubaya hae aankhon ne mizha ka KHandan apna
raqiban ki na kuchh taqsir sabit hai na KHuban ki
mujhe nahaq satata hai ye ishq-e-bad-guman apna
mera ji jalta hai us bulbul-e-bekas ki ghurbat par
ki jin ne aasre par gul ke chhoDa aashiyan apna
jo tu ne ki so dushman bhi nahin dushman se karta hai
ghalat tha jaante the tujh ko jo hum mehrban apna
koi aazurda karta hai sajan apne ko he zalim
ki daulat-KHwah apna 'mazhar' apna 'jaan-e-jaan' apna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
