bhula diya bhi agar jae sarsari kiya jae

bhulā diyā bhī agar jaa.e sarsarī kiyā jaa.e

mutāle.a mirī vahshat kā lāzmī kiyā jaa.e

ham aise log jo ā.inda o guzishta haiñ

hamāre ahd ko maujūd se tahī kiyā jaa.e

ḳhabar milī hai ki us ḳhush-ḳhabar kī aamad hai

so ehtimām-e-suḳhan aaj multavī kiyā jaa.e

hameñ ab apne na.e rāste banāne haiñ

jo kaam kal hameñ karnā hai vo abhī kiyā jaa.e

nahīñ ba.iid ye ahkām-e-tāza jaarī hoñ

ki gumbadoñ se parindoñ ko ajnabī kiyā jaa.e

bas ek lamha tire vasl kā mayassar ho

aur us visāl ke lamhe ko dā.imī kiyā jaa.e

bhula diya bhi agar jae sarsari kiya jae

mutalea meri wahshat ka lazmi kiya jae

hum aise log jo aainda o guzishta hain

hamare ahd ko maujud se tahi kiya jae

KHabar mili hai ki us KHush-KHabar ki aamad hai

so ehtimam-e-suKHan aaj multawi kiya jae

hamein ab apne nae raste banane hain

jo kaam kal hamein karna hai wo abhi kiya jae

nahin baid ye ahkaam-e-taza jari hon

ki gumbadon se parindon ko ajnabi kiya jae

bas ek lamha tere wasl ka mayassar ho

aur us visal ke lamhe ko daimi kiya jae