bahut tazkira dastanon mein tha

bahut tazkira dāstānoñ meñ thā

to kyā vo kahīñ āsmānoñ meñ thā

mujhe dekh kar kal vo hañstā rahā

to vo bhī mire rāz-dānoñ meñ thā

vo har shab chabātā rahā azhdahe

sunā hai ki vo naujavānoñ meñ thā

ajab chiiz hai lams kī tāzgī

nasha hī nasha do jahānoñ meñ thā

use zindagī muḳhtasar hī milī

magar ḳhanda-e-gul yagānoñ meñ thā

vajūd us kā dhartī se chimTā rahā

dhyān us kā ūñchī uḌānoñ meñ thā

parinde fazāoñ meñ phir kho ga.e

dhuāñ hī dhuāñ āshiyānoñ meñ thā

bahut tazkira dastanon mein tha

to kya wo kahin aasmanon mein tha

mujhe dekh kar kal wo hansta raha

to wo bhi mere raaz-danon mein tha

wo har shab chabaata raha azhdahe

suna hai ki wo naujawanon mein tha

ajab chiz hai lams ki tazgi

nasha hi nasha do jahanon mein tha

use zindagi muKHtasar hi mili

magar KHanda-e-gul yaganon mein tha

wajud us ka dharti se chimTa raha

dhyan us ka unchi uDanon mein tha

parinde fazaon mein phir kho gae

dhuan hi dhuan aashiyanon mein tha