aur bazar se kya le jaun

aur bāzār se kyā le jā.ūñ

pahlī bārish kā mazā le jā.ūñ

kuchh to sauġhāt duuñ ghar vāloñ ko

raat āñkhoñ meñ sajā le jā.ūñ

ghar meñ sāmāñ to ho dilchaspī kā

hādisa koī uThā le jā.ūñ

ik diyā der se jaltā hogā

saath thoḌī sī havā le jā.ūñ

kyuuñ bhaTaktā huuñ ġhalat rāhoñ meñ

ḳhvāb meñ us kā pata le jā.ūñ

roz kahtā hai havā kā jhoñkā

aa tujhe duur uḌā le jā.ūñ

aaj phir mujh se kahā dariyā ne

kyā irāda hai bahā le jā.ūñ

ghar se jaatā huuñ to kaam ā.eñge

ek do ashk bachā le jā.ūñ

jeb meñ kuchh to rahegā 'alvī'

laao tum sab kī duā le jā.ūñ

aur bazar se kya le jaun

pahli barish ka maza le jaun

kuchh to saughat dun ghar walon ko

raat aankhon mein saja le jaun

ghar mein saman to ho dilchaspi ka

hadisa koi uTha le jaun

ek diya der se jalta hoga

sath thoDi si hawa le jaun

kyun bhaTakta hun ghalat rahon mein

KHwab mein us ka pata le jaun

roz kahta hai hawa ka jhonka

aa tujhe dur uDa le jaun

aaj phir mujh se kaha dariya ne

kya irada hai baha le jaun

ghar se jata hun to kaam aaenge

ek do ashk bacha le jaun

jeb mein kuchh to rahega 'alwi'

lao tum sab ki dua le jaun