aise ki mohabbat ko mohabbat na kahenge

aise kī mohabbat ko mohabbat na kaheñge

is aam ināyat ko ināyat na kaheñge

kahiye to kahūñ anjuman-e-ġhair ko rūdād

kyā ab bhī ise aap karāmat na kaheñge

samjheñge na aġhyār ko aġhyār kahāñ tak

kab tak vo mohabbat ko mohabbat na kaheñge

jab arbada-jū tum ho to kyuuñ sabr sameTeñ

ham is meñ raqīboñ kī sharārat na kaheñge

hai yaad 'zahīr' un kā shab-e-vasl bigaḌnā

vo talḳhī-e-dushnām kī lazzat na kaheñge

aise ki mohabbat ko mohabbat na kahenge

is aam inayat ko inayat na kahenge

kahiye to kahun anjuman-e-ghair ko rudad

kya ab bhi ise aap karamat na kahenge

samjhenge na aghyar ko aghyar kahan tak

kab tak wo mohabbat ko mohabbat na kahenge

jab arbada-ju tum ho to kyun sabr sameTen

hum is mein raqibon ki shararat na kahenge

hai yaad 'zahir' un ka shab-e-wasl bigaDna

wo talKHi-e-dushnam ki lazzat na kahenge