ab to ye bhi nahin raha ehsas
ab to ye bhī nahīñ rahā ehsās
dard hotā hai yā nahīñ hotā
ishq jab tak na kar chuke rusvā
aadmī kaam kā nahīñ hotā
TuuT paḌtā hai daf.atan jo ishq
besh-tar der-pā nahīñ hotā
vo bhī hotā hai ek vaqt ki jab
mā-sivā mā-sivā nahīñ hotā
haa.e kyā ho gayā tabī.at ko
ġham bhī rāhat-fazā nahīñ hotā
dil hamārā hai yā tumhārā hai
ham se ye faisla nahīñ hotā
jis pe terī nazar nahīñ hotī
us kī jānib ḳhudā nahīñ hotā
maiñ ki be-zār umr bhar ke liye
dil ki dam-bhar judā nahīñ hotā
vo hamāre qarīb hote haiñ
jab hamārā patā nahīñ hotā
dil ko kyā kyā sukūn hotā hai
jab koī aasrā nahīñ hotā
ho ke ik baar sāmnā un se
phir kabhī sāmnā nahīñ hotā
ab to ye bhi nahin raha ehsas
dard hota hai ya nahin hota
ishq jab tak na kar chuke ruswa
aadmi kaam ka nahin hota
TuT paDta hai dafatan jo ishq
besh-tar der-pa nahin hota
wo bhi hota hai ek waqt ki jab
ma-siwa ma-siwa nahin hota
hae kya ho gaya tabiat ko
gham bhi rahat-faza nahin hota
dil hamara hai ya tumhaara hai
hum se ye faisla nahin hota
jis pe teri nazar nahin hoti
us ki jaanib KHuda nahin hota
main ki be-zar umr bhar ke liye
dil ki dam-bhar juda nahin hota
wo hamare qarib hote hain
jab hamara pata nahin hota
dil ko kya kya sukun hota hai
jab koi aasra nahin hota
ho ke ek bar samna un se
phir kabhi samna nahin hota
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
