aarzu ko ruh mein gham ban ke rahna aa gaya
aarzū ko ruuh meñ ġham ban ke rahnā aa gayā
sahte sahte ham ko āḳhir ranj sahnā aa gayā
dil kā ḳhuuñ āñkhoñ meñ khiñch aayā chalo achchhā huā
merī āñkhoñ ko mirā ahvāl kahnā aa gayā
sahl ho jā.egī mushkil zabt soz o saaz kī
ḳhūn-e-dil ko aañkh se jis roz bahnā aa gayā
maiñ kisī se apne dil kī baat kah saktā na thā
ab suḳhan kī aaḌ meñ kyā kuchh na kahnā aa gayā
jab se muñh ko lag ga.ī 'aḳhtar' mohabbat kī sharāb
be-piye āThoñ pahar mad.hosh rahnā aa gayā
aarzu ko ruh mein gham ban ke rahna aa gaya
sahte sahte hum ko aaKHir ranj sahna aa gaya
dil ka KHun aankhon mein khinch aaya chalo achchha hua
meri aankhon ko mera ahwal kahna aa gaya
sahl ho jaegi mushkil zabt soz o saz ki
KHun-e-dil ko aankh se jis roz bahna aa gaya
main kisi se apne dil ki baat kah sakta na tha
ab suKHan ki aaD mein kya kuchh na kahna aa gaya
jab se munh ko lag gai 'aKHtar' mohabbat ki sharab
be-piye aaThon pahar madhosh rahna aa gaya
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
