aaj to be-sabab udas hai ji
aaj to be-sabab udaas hai jī
ishq hotā to koī baat bhī thī
jaltā phirtā huuñ maiñ dopahroñ meñ
jaane kyā chiiz kho ga.ī merī
vahīñ phirtā huuñ maiñ bhī ḳhāk-basar
is bhare shahr meñ hai ek galī
chhuptā phirtā hai ishq duniyā se
phailtī jā rahī hai rusvā.ī
ham-nashīñ kyā kahūñ ki vo kyā hai
chhoḌ ye baat niiñd uḌne lagī
aaj to vo bhī kuchh ḳhamosh sā thā
maiñ ne bhī us se koī baat na kī
ek dam us ke hoñT chuum liye
ye mujhe baiThe baiThe kyā sūjhī
ek dam us kā haath chhoḌ diyā
jaane kyā baat darmiyāñ aa.ī
tū jo itnā udaas hai 'nāsir'
tujhe kyā ho gayā batā to sahī
aaj to be-sabab udas hai ji
ishq hota to koi baat bhi thi
jalta phirta hun main dopahron mein
jaane kya chiz kho gai meri
wahin phirta hun main bhi KHak-basar
is bhare shahr mein hai ek gali
chhupta phirta hai ishq duniya se
phailti ja rahi hai ruswai
ham-nashin kya kahun ki wo kya hai
chhoD ye baat nind uDne lagi
aaj to wo bhi kuchh KHamosh sa tha
main ne bhi us se koi baat na ki
ek dam us ke honT chum liye
ye mujhe baiThe baiThe kya sujhi
ek dam us ka hath chhoD diya
jaane kya baat darmiyan aai
tu jo itna udas hai 'nasir'
tujhe kya ho gaya bata to sahi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
