is shahr-e-tamannā meñ kyā chhāñv mile mujh ko

hai dhuup ke dāman meñ taptā huā ghar merā

is shahr-e-tamanna mein kya chhanw mile mujh ko

hai dhup ke daman mein tapta hua ghar mera

kyā aap zamāne ko ye samjhā nahīñ sakte

ab TuuTe khilaune hameñ bahlā nahīñ sakte

kya aap zamane ko ye samjha nahin sakte

ab TuTe khilaune hamein bahla nahin sakte

maanā ki virāsat meñ milī ḳhāna-badoshī

lekin ye zamīñ chhoḌ ke ham jā nahīñ sakte

mana ki wirasat mein mili KHana-badoshi

lekin ye zamin chhoD ke hum ja nahin sakte

ahl-e-ḳhirad ko ab bhī nahīñ hai koī ḳhabar

ahl-e-junūñ bhī karte haiñ fikr-o-nazar kī baat

ahl-e-KHirad ko ab bhi nahin hai koi KHabar

ahl-e-junun bhi karte hain fikr-o-nazar ki baat

ye shahr hamārā hai sabhī log haiñ apne

ham log parā.e kabhī kahlā nahīñ sakte

ye shahr hamara hai sabhi log hain apne

hum log parae kabhi kahla nahin sakte