aayaa but-e-mai-KHaana aur ghar se liyaa mujh ko

aayā but-e-mai-ḳhāna aur ghar se liyā mujh ko

kar degā mujhe taaza dikhlā ke bahār-e-nau

lahrā ke 'alam apnā pur kar ke kamāñ apnī

rakkhā hai nishāne par rahzan ne mire mujh ko

sau nukte uThātā hai sau jaal bichhātā hai

sau mohre baḌhātā hai tā khā le vahīñ mujh ko

us sarv kā saaya ban kar qad kā tavāf us ke

go jaḌ se ukhāḌegā vo misl-e-shajar mujh ko

phir aayā vo phir aayā vo 'umr-darāz aayā

vo ḳhūbī-e-nāz aayā tā daaġh kare mujh ko

vo jān-e-jahāñ aayā vo ganj-e-nihāñ aayā

vo faḳhr-e-shahāñ aayā tā faash kare mujh ko

yuuñ burj-e-hamal meñ hai shams-ul-haq-e-tabrezī

fitrat ke shajar par vo tā puḳhta kare mujh ko

aaya but-e-mai-KHana aur ghar se liya mujh ko

kar dega mujhe taza dikhla ke bahaar-e-nau

lahra ke 'alam apna pur kar ke kaman apni

rakkha hai nishane par rahzan ne mere mujh ko

sau nukte uThata hai sau jal bichhata hai

sau mohre baDhata hai ta kha le wahin mujh ko

us sarw ka saya ban kar qad ka tawaf us ke

go jaD se ukhaDega wo misl-e-shajar mujh ko

phir aaya wo phir aaya wo 'umr-daraaz aaya

wo KHubi-e-naz aaya ta dagh kare mujh ko

wo jaan-e-jahan aaya wo ganj-e-nihan aaya

wo faKHr-e-shahan aaya ta fash kare mujh ko

yun burj-e-hamal mein hai shams-ul-haq-e-tabrezi

fitrat ke shajar par wo ta puKHta kare mujh ko