rañg darkār the ham ko tirī ḳhāmoshī ke

ek āvāz kī tasvīr banānī thī hameñ

rang darkar the hum ko teri KHamoshi ke

ek aawaz ki taswir banani thi hamein

mujh se ziyāda kaun tamāsha dekh sakegā

gāñdhī-jī ke tīnoñ bandar mere andar

mujh se ziyaada kaun tamasha dekh sakega

gandhi-ji ke tinon bandar mere andar

paḌhne vaalā bhī to kartā hai kisī se mansūb

sabhī kirdār kahānī ke nahīñ hote haiñ

paDhne wala bhi to karta hai kisi se mansub

sabhi kirdar kahani ke nahin hote hain

dekhne vaale tujhe dekhte hoñge lekin

dekhne vāloñ ko hairat bhī to hotī hogī

dekhne wale tujhe dekhte honge lekin

dekhne walon ko hairat bhi to hoti hogi

ik na.e ġham se kinārā bhī to ho saktā hai

ishq phir ham ko dobārā bhī to ho saktā hai

ek nae gham se kinara bhi to ho sakta hai

ishq phir hum ko dobara bhi to ho sakta hai