burā lagtā hai kyuuñ shikva hamārā

nahīñ shāyad koī rishta hamārā

bura lagta hai kyun shikwa hamara

nahin shayad koi rishta hamara

chhoḌā nahīñ hai aaj bhī masrūfiyāt ne

itvār lag rahā hai mujhe piir kī tarah

chhoDa nahin hai aaj bhi masrufiyat ne

itwar lag raha hai mujhe pir ki tarah

jis ko māñgā thā 'umr bhar ke liye

vo mujhe 'umr bhar milā hī nahīñ

jis ko manga tha 'umr bhar ke liye

wo mujhe 'umr bhar mila hi nahin

mujh ko diin thamāyā lekin

ḳhud us ne chamkā lī duniyā

mujh ko din thamaya lekin

KHud us ne chamka li duniya

'razā' vo ġham bhī hameñ Thiik se nahīñ detā

ham apnī saarī ḳhushī jis ke naam karte haiñ

'raza' wo gham bhi hamein Thik se nahin deta

hum apni sari KHushi jis ke nam karte hain