bahut mushkil thā jin ko DhūñDnā make-up ke malbe se

so andāze se un kā bāñkpan likhnā paḌā mujh ko

bahut mushkil tha jin ko DhunDna make-up ke malbe se

so andaze se un ka bankpan likhna paDa mujh ko

chhoḌā hai jab se parda mardā ga.ī hai aurat

radd-o-badal hai kyā kyā ye arz phir karūñgā

chhoDa hai jab se parda marda gai hai aurat

radd-o-badal hai kya kya ye arz phir karunga

mirī majbūriyoñ ne nāzukī kā ḳhuun kar Daalā

har ik gobhī-badan ko gul-badan likhnā paḌā mujh ko

meri majburiyon ne nazuki ka KHun kar Dala

har ek gobhi-badan ko gul-badan likhna paDa mujh ko

basā-auqāt hurmat bhī qalam kī daav par rakh dī

luTeroñ ko muhibbān-e-vatan likhnā paḌā mujh ko

basa-auqat hurmat bhi qalam ki daw par rakh di

luTeron ko muhibban-e-watan likhna paDa mujh ko

hamārī umr ab aisī hai ham siiTī nahīñ sunte

rukā karte the ḳhush ho kar kabhī siiTī bajāne par

hamari umr ab aisi hai hum siTi nahin sunte

ruka karte the KHush ho kar kabhi siTi bajaane par