eid aai hai eid aai hai

eid aa.ī hai eid aa.ī hai

rahmatoñ kā payām laa.ī hai

āsmānoñ se nuur utrā hai

yaum-e-lutf-o-nashāt aaya hai

is taraf aa.e vo jo pyāsā hai

josh par rahmatoñ kā dariyā hai

aaj taqdīr muskurā.ī hai

eid aa.ī hai eid aa.ī hai

ratjagoñ kī namāz kī rāteñ

soz-o-sāz-e-gudāz kī rāteñ

zikr-e-banda-navāz kī rāteñ

naaz kī aur niyāz kī rāteñ

nuur sub.h-e-umīd laa.ī hai

eid aa.ī hai eid aa.ī hai

roza-dāroñ ḳhushī manāo aaj

jannatoñ kī naved paao aaj

ġham gunāhoñ ke bhuul jaao aaj

ik na.ī zindagī sajāo aaj

rut bahāroñ kī jaise chhā.ī hai

eid aa.ī hai eid aa.ī hai

aaj to ḳhār-o-gul bhī haiñ bāham

ek haiñ jaise sho.ala-o-shabnam

hindū muslim milāp hai paiham

des apnā diloñ kā hai sangam

sab ne mil kar ḳhushī manā.ī hai

eid aa.ī hai eid aa.ī hai

eid aai hai eid aai hai

rahmaton ka payam lai hai

aasmanon se nur utra hai

yaum-e-lutf-o-nashat aaya hai

is taraf aae wo jo pyasa hai

josh par rahmaton ka dariya hai

aaj taqdir muskurai hai

eid aai hai eid aai hai

ratjagon ki namaz ki raaten

soz-o-saz-e-gudaz ki raaten

zikr-e-banda-nawaz ki raaten

naz ki aur niyaz ki raaten

nur subh-e-umid lai hai

eid aai hai eid aai hai

roza-daron KHushi manao aaj

jannaton ki nawed pao aaj

gham gunahon ke bhul jao aaj

ek nai zindagi sajao aaj

rut bahaaron ki jaise chhai hai

eid aai hai eid aai hai

aaj to KHar-o-gul bhi hain baham

ek hain jaise shoala-o-shabnam

hindu muslim milap hai paiham

des apna dilon ka hai sangam

sab ne mil kar KHushi manai hai

eid aai hai eid aai hai