aalam-e-arwah

mire nazdīk baiTho tum

mirī ik baat sun lo tum

mire jazbāt samjho tum

maiñ vo laḌkī nahīñ

jo sab se apnā hāl-e-dil keh duuñ

magar tum se maiñ apne dil kā saarā haal kahtī huuñ

bahut apne se lagte ho

mujhe mā'lūm hai shāyad

ki kyuuñ apne se lagte ho

suno tum ko batātī huuñ

ki is duniyā meñ aane se kahīñ pahle vo duniyā thī

jahāñ rab ne sabhī rūhoñ ko bilkul saath rakkhā thā

vahāñ ik dūsre se jo bahut nazdīk rūheñ thī

ḳhudā ne un ke dil meñ qudratī ulfat basā.ī thī

ki un rūhoñ meñ to ham donoñ kī rūheñ bhī shāmil thiiñ

ham is duniyā meñ aa.e 'ālam-e-arvāh meñ mil kar

tabhī tum se alag sī unsiyat mahsūs hotī hai

hai kitnā ḳhūb-sūrat darmiyāñ ye rābta apnā

khulā ye raaz ab jā kar

ki kyuuñ apne se lagte the

suno phir yaad tum rakhnā

hamesha saath tum rahnā

tumheñ hī dost maanā hai

tumhīñ ik dost ho mere

mere nazdik baiTho tum

meri ek baat sun lo tum

mere jazbaat samjho tum

main wo laDki nahin

jo sab se apna haal-e-dil keh dun

magar tum se main apne dil ka sara haal kahti hun

bahut apne se lagte ho

mujhe ma'lum hai shayad

ki kyun apne se lagte ho

suno tum ko batati hun

ki is duniya mein aane se kahin pahle wo duniya thi

jahan rab ne sabhi ruhon ko bilkul sath rakkha tha

wahan ek dusre se jo bahut nazdik ruhen thi

KHuda ne un ke dil mein qudrati ulfat basai thi

ki un ruhon mein to hum donon ki ruhen bhi shamil thin

hum is duniya mein aae 'alam-e-arwah mein mil kar

tabhi tum se alag si unsiyat mahsus hoti hai

hai kitna KHub-surat darmiyan ye rabta apna

khula ye raaz ab ja kar

ki kyun apne se lagte the

suno phir yaad tum rakhna

hamesha sath tum rahna

tumhein hi dost mana hai

tumhin ek dost ho mere