kya ho use nisbat mere jalte hue ghar se
kyā ho use nisbat mire jalte hue ghar se
saa.e meñ jo baiThā hai kaḌī dhuup ke Dar se
ab jo bhī mile ham ko sila ḳhūn-e-jigar kā
phal phuul kī ummīd to rakhte haiñ shajar se
saaqī tirī mahfil kā ye dastūr bhī dekhā
chhalkā.e koī jaam koī buuñd ko tarse
ik pal kī judā.ī bhī gavārā na thī jis ko
begāna sifat aaj vo guzrā hai idhar se
jo khelte amvāj se rahte the hamesha
sāhil pe vahī baiThe haiñ tūfān ke Dar se
'kāvish' mujhe ahvāl kuchh un ke bhī sunāo
begāna jo rahte haiñ sadā ḳhair-o-ḳhabar se
kya ho use nisbat mere jalte hue ghar se
sae mein jo baiTha hai kaDi dhup ke Dar se
ab jo bhi mile hum ko sila KHun-e-jigar ka
phal phul ki ummid to rakhte hain shajar se
saqi teri mahfil ka ye dastur bhi dekha
chhalkae koi jam koi bund ko tarse
ek pal ki judai bhi gawara na thi jis ko
begana sifat aaj wo guzra hai idhar se
jo khelte amwaj se rahte the hamesha
sahil pe wahi baiThe hain tufan ke Dar se
'kawish' mujhe ahwal kuchh un ke bhi sunao
begana jo rahte hain sada KHair-o-KHabar se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
