ek hasin shoKH-adakar chhupa hai mujh mein
ik hasīñ shoḳh-adākār chhupā hai mujh meñ
bas yahī shaḳhs mazedār bachā hai mujh meñ
ranj-o-ālām kā bhī dard baḌhā hai mujh meñ
diip ummīd kā jis din se jalā hai mujh meñ
us kī bātoñ se mohabbat kā gumāñ hotā hai
jis kā baḳhshā huā har zaḳhm harā hai mujh meñ
aa.ina ḳhud bhī gavāhī nahīñ detā lekin
jāntā hai vo koī ḳhaas adā hai mujh meñ
sar se pā tak jo 'ajab shor kī āvāzeñ haiñ
aisā lagtā hai ki tūfān bapā hai mujh meñ
ai 'habīb' us ne mirī piiTh meñ maarā ḳhanjar
dost ban ke jo mah-o-sāl rahā hai mujh meñ
ek hasin shoKH-adakar chhupa hai mujh mein
bas yahi shaKHs mazedar bacha hai mujh mein
ranj-o-alam ka bhi dard baDha hai mujh mein
dip ummid ka jis din se jala hai mujh mein
us ki baaton se mohabbat ka guman hota hai
jis ka baKHsha hua har zaKHm hara hai mujh mein
aaina KHud bhi gawahi nahin deta lekin
jaanta hai wo koi KHas ada hai mujh mein
sar se pa tak jo 'ajab shor ki aawazen hain
aisa lagta hai ki tufan bapa hai mujh mein
ai 'habib' us ne meri piTh mein mara KHanjar
dost ban ke jo mah-o-sal raha hai mujh mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
